Kapiteni Iker Casillas është krenaria e Real Madridit – ka thënë përzgjedhësi i Spanjës, Vicente del Bosque.
Portieri spanjoll u la në bankën rezervë nga trajneri Jose Mourinho në humbjen prej 3-2 nga Malaga duke nxitur polemika të mëdha në media dhe mes njohësve të futbollit.
“Ikeri ka arritur (te Reali) në moshën 10-vjeçare. Prindërit e tij kanë merita të mëdha që e kanë sjellë në qendrën stërvitore, ndërsa unë mendoj se nuk e kanë bërë për para”.
“Ikeri është krenaria e Real Madridit. Ai është i vetmi që ka ardhur nga të rinjtë e skuadrës dhe do të ishte mirë të vlerësohej ajo që ka bërë, sepse ka bërë shumë”.
