Dafina Zeqiri këtë të premte do ta publikojë videoklipin e saj më të ri, të titulluar “Veç ti”, që ka zgjuar shumë kureshtjen e fansave.
Këngëtarja pas kthimit të saj nga Amerika nuk ka qenë edhe aq shumë aktive, por e gjithë kjo për shkak se ajo ka vazhduar të punojë sa më shumë në projektet e saja më të reja, të cilat vetëm sa ka filluar t’i shpalosë.
Vitin 2013 Duffy do ta nisë me publikimin e klipit të shumëpritur “Veç ti”, të cilin e ka realizuar edhe në versionin anglisht, dhe premiera e të cilit do të jetë në faqen zyrtare të Dafinës në kanalin muzikor “YouTube”.
Dafina gjithashtu shumë shpejt do të lansojë edhe disa këngë të reja në bashkëpunim me kitaristin Faton Macula.
