Qind për qind ‘metal’ (Video)

Bendi gjerman “Compressorhead” përbëhet nga tre anëtarë, të cilët janë të gjithë robotë. Treshja mekanike ekzekuton këngë të grupeve legjendare, si “Pantera”, “AC/DC” dhe “Led Zeppelin”. Anëtarët e grupit janë, kitaristi ‘Gishtat’, basisti ‘Kockat’ dhe bateristi katërkrahësh ‘Djaloshi shkop’, ndërkaq udhëhiqen nga menaxheri njeri që quhet Ken West. Grupi ekziston që nga viti 2007, ndërsa fillimisht u ndërtua bateristi, pastaj kitaristi dhe në fund grupit iu bashkua basisti. Robotët do të jenë pjesë e festivalit “Big Day Out 2013” që zhvillohet në qytetet australiane dhe do të performojnë në Sydney.